Autoritetet greke kanë nisur gjuetinë për një shqiptar, që dyshohet se iu ka ardhur në ndihmë dy të burgosurve Alfons Doçi dhe Emiljano Halili, për arratisjen e tyre.
Nga hetimet e deritanishme prokurorët besojnë se një tjetër shqiptar i ka ndihmuar dy të burgosurit, duke iu gjetur një shtëpi me qera.
Policia greke ka mundur të arrestojë mbrëmjen e së premtes, dy të arratisurit nga burgu në momentin që po transportoheshin drejt burgut të Haniasë.
Ata ishin dy të fundit nga grupi prej 4 të arratisurve shqiptare që mundën t’i shpëtojnë gardianëve katër ditë më parë në portin e Pireut. Sipas policisë, operacioni u zhvillua në lagjen Nea Filqdelfia rreth orës 21:00 të mbrëmjes, sipas orës lokale. Për kapjen e tyre u dërguan forcat speciale të policisë greke.
Alfons Doçi dhe Emiljano Halili kishin dhe një pistoletë por nuk e përdorën gjatë ndërhyrjes së policisë. Njëri prej tyre, shkrujanë mediat greke u mundua të largohej nga dritarja, por nuk arriti pasi policia kishte rrethuar shtëpinë.